تنويه

تم غلق المدونة بشكل نهائى بعد الثورة
والانتقال الى المدونة الجديدة
مدونة اقرأ كى أحيا

http://M-Monier.blogspot.com

الصفحات

‏إظهار الرسائل ذات التسميات سخريات. إظهار كافة الرسائل
‏إظهار الرسائل ذات التسميات سخريات. إظهار كافة الرسائل

السبت، 12 يونيو 2010

احنا ولاد الكلب الشعب ....أهداء مننا الى النظام ورجاله واللى يتشددلهم

احنا ولاد الكلب
شعر عمنا الابنودى
أهداء مننا الى النظام ورجاله واللى يتشددلهم

يا عم الظابط إنت كداب
واللي بعتك كداب.
مش بالذل حشوفكم غير
أو استرجى منكم خير
إنتو كلاب الحاكم
وإحنا الطير
إنتو التوقيف
وأحنا السير
.إنتوا لصوص القوت
واحنا بنبني بيوت
إحنا الصوت
ساعة متحبوا الدنيا سكوت
.....
إحنا شعبين شعبين شعبين
شوف الاول فين والتاني فين
وأدي الخط مابين الاتنين
بيفوت
إنتوا بعتوا الارض بفاسها
بناسها
في ميدان الدنيا فكيتوا لباسها
بانت وش وضهر
بطن وصدر
ماتت
والريحه سبقت طلعت أنفاسها
.
واحنا ولاد الكلب الشعب
احنا بتوع الاصعب وطريقه الصعب
والضرب ببوز الجزمه وبسٍن الكعب
والموت في الحرب
لكن انتوا خلقكم سيد المُلك
جاهزين للمُلك
إيدكم نعمت
من طول ما بتفتل وبتفتل
ليالينا الحلك
احنا الهلك
وانتو الترك
سواها بحكمته رب الملك
أنا المسجون
المطحون
اللي تاريخي مركون.

وانت قلاوون
و"ابن طولون"ونابليون
.الزنزانه دي مبنيه قبل الكون
قبل الظلم ما يكسب جولات اللون
…
يا عم الظابط إحبسني
رأينا خٍلف خلاف
سففني الحنضل وإتعسني
راينا خلف خلاف
احبسني أو اطلقني وادهسني
راينا خلف خلاف
واذا كنت لوحدي دلوقتي
بكره مع الوقت
حتزور الزنزانه دي اجيال
واكيد فيه جيل
أوصافه غير نفس الاوصاف
إن شاف يوعى
وإن وعي ما يخاف
.....
إنتوا الخونه
منك ضعفي وجبروتك مني
خد مفتاح سجنك وياك
واترك لي وطني
وطني غير وطنك
ومشي
قلت لنفسي
:" ماخدمك إلا من سجنك " .
شعر الأبنودي

الثلاثاء، 14 يوليو 2009

بعد الثورة....اااااااااااااه

بعد الثورة
هيقف ويقول ويشدو
بعد الثورة ياسلام ياسلام
هيقف ويقول:
بسم الامة
بسم الشعب العظيم
بسم جمهورية ساكسونيا
لقد مرت أمتنا وشعبنا بفترات عصيبة....
قاسية فى تاريخه
حزننا معا على من غرق فى حادثة العبارة
على من ماتوا فى الدويقة
على من أحترقوا فى القطارات المشتعلة
على من ماتوا فى أقسام الشرطة ومبانى أمن الدولة
على من ماتوا فى طوابير العيش
على من ماتوا فى طوابير الانابيب
على من ماتوا فى المعتقلات
على من تشردوا فى الانهيارات
على من تشردوا فى المعاش المبكر
على عدد المدمنين
على الشباب العاطل بالملايين
على حرية الرأى التى تم دفنها
على أعتقال المدونيين
وأعتقال مساعدى المقاومة الفلسطينية
وأعتقال الامة
هذا وقد مر ذلك العهد البغيض وأزلنا الطاغية والحزن الوطنى الديمقراطى
ورمينا كل من أفسد فى الوطن فى معتقلاتهم التى طالما عذبوا شعبنا فيها
وسنبدء عهدا جديدا من الحريات
سوف نختار أفضل أساتذتنا فى القانون
لتعديل الدستور بالشكل الذى يتيح تداول السلطة
وبحيث لا تتجاوز فترة الرئاسة مدتين على الاكثر
ان لانسمح لرئيس طاغى ياتى علينا
أن نحمى الحريات وان يصبح للمواطن المصرى قدره داخل بلده
وسنعدل الدستور بحيث يصبح مثال للديمقراطية الحقة
وضد الاستبداد والطغيان والديكتاتورية
سننقيه من المواد التى تفيد المستبد الطاغية
ثم سننتقل الى هؤلاء المعتقلين وسنساومهم على حريتهم
مقابل 90% من أموالهم فى بنوك سويسرا وغيرها
طبعا بعد الحكم عليهم بما يليق بهم
وسنضع الاموال فى أيدى الشعب لتصليح التعليم والاقتصاد
تخيلوا كم المبالغ التى من الممكن ان نحصل عليها
سنحسن التعليم ونلغى تلك المقررات
التى تصيبنا بالبله والعته المنغولى
ونغير طرق التدريس
سنرى أفضل الاساتذة فى مجال التربية والتعليم
يضعوا لنا مناهج وطرق تعليمية كويسة
الاقتصاد سنلغى الرأسمالية العفنة التى تطيح بحرية العمال
وتجعلهم كعبيد السخرة سيكون الاقتصاد فى يد العمال
سنأمم مصانعهم وشركاتهم الفاسدة
وستصح اليد العليا لعمال مصر
سننقى النقابات من الفساد الذى بها
ونسلمها لاهلها عن طريق أنتخابات نزيهة
يشرف عليها قضاة عادلين
أما مجلس الشعب والشورى فسنلغى القوانين الغبية التى تحكمه
وسنحرره وأنتخاباته سيتم المراقبة عليها دوليا
هو وانتخابات الرئاسة
حتى يضمن الشعب ان من يختاره هو محل ثقة
وقانون الاحزاب ستم تحريره من القيود الغبية التى تحكمه ويتم
أنشاء أ؛زاب بجد تنافس على السلطة
وفوق كل هذا سيكون هناك هيئة عليا
هيئة رقابة الثورة
ستكون تلك الهيئة مهمتها الرقابة والمحاسبة
فى كل مصالحنا الحكومية وعلى المجالس المحلية والشعبية والرئيس
وسنبدا أسم الرئيس
الى خادم مصر
حتى أذا قرر ان يستبد بحكمه يتذكر أنه خادم لهذا الوطن
وكمان هنفكك جهاز أمن الدولة ونلغى قانون الارهاب والطوارئ
سنتيح حرية العقيدة
فالدين لله والوطن للجميع
و عايزين نشرب مياه نضيفة بجد
ونحارب الامراض
وان شاء الله هنجيب علمائنا عشان يعملونا اول معمل أبحاث بجد
وهيئة بحث علمى قوية وهنقوم بحمايتهم
و
يااااااااااااااااااااااااااااااااااااه
ااااااااااااااااااااااه
ايه ياحضرة الظابط
معلش نمت شوية
اه
ايه البيه ظابط أمن الدولة عايزنى
حاضر
سلام عليكم
ايه؟؟؟؟
انا كنت بحلم بثورة؟؟؟؟؟؟
لا ياباشا
ثورة ليه ؟
لا ياباشا العيشة زى الفل ياباشا
والعيش موجود ياباشا
والشباب كلهم شغالين ياباشا
والتعليم زى الفل
والمياه نضيفة
والشقق مرمية
ايه ياباشا؟؟؟
انا بصيع عليك أستحالة ياباشا
ايه ؟؟؟؟؟ليه ياباشا والله ...لا ياباشا لا ......لا
لااااااااااااااااااااااااااااااااااااااااااااااااااااااا
ااااااااااااااااااااااااااااااااااااااااااااااااااااااااااااااااااااااااااااه