تنويه

تم غلق المدونة بشكل نهائى بعد الثورة
والانتقال الى المدونة الجديدة
مدونة اقرأ كى أحيا

http://M-Monier.blogspot.com

الصفحات

السبت، 12 يونيو 2010

احنا ولاد الكلب الشعب ....أهداء مننا الى النظام ورجاله واللى يتشددلهم

احنا ولاد الكلب
شعر عمنا الابنودى
أهداء مننا الى النظام ورجاله واللى يتشددلهم

يا عم الظابط إنت كداب
واللي بعتك كداب.
مش بالذل حشوفكم غير
أو استرجى منكم خير
إنتو كلاب الحاكم
وإحنا الطير
إنتو التوقيف
وأحنا السير
.إنتوا لصوص القوت
واحنا بنبني بيوت
إحنا الصوت
ساعة متحبوا الدنيا سكوت
.....
إحنا شعبين شعبين شعبين
شوف الاول فين والتاني فين
وأدي الخط مابين الاتنين
بيفوت
إنتوا بعتوا الارض بفاسها
بناسها
في ميدان الدنيا فكيتوا لباسها
بانت وش وضهر
بطن وصدر
ماتت
والريحه سبقت طلعت أنفاسها
.
واحنا ولاد الكلب الشعب
احنا بتوع الاصعب وطريقه الصعب
والضرب ببوز الجزمه وبسٍن الكعب
والموت في الحرب
لكن انتوا خلقكم سيد المُلك
جاهزين للمُلك
إيدكم نعمت
من طول ما بتفتل وبتفتل
ليالينا الحلك
احنا الهلك
وانتو الترك
سواها بحكمته رب الملك
أنا المسجون
المطحون
اللي تاريخي مركون.

وانت قلاوون
و"ابن طولون"ونابليون
.الزنزانه دي مبنيه قبل الكون
قبل الظلم ما يكسب جولات اللون

يا عم الظابط إحبسني
رأينا خٍلف خلاف
سففني الحنضل وإتعسني
راينا خلف خلاف
احبسني أو اطلقني وادهسني
راينا خلف خلاف
واذا كنت لوحدي دلوقتي
بكره مع الوقت
حتزور الزنزانه دي اجيال
واكيد فيه جيل
أوصافه غير نفس الاوصاف
إن شاف يوعى
وإن وعي ما يخاف
.....
إنتوا الخونه
منك ضعفي وجبروتك مني
خد مفتاح سجنك وياك
واترك لي وطني
وطني غير وطنك
ومشي
قلت لنفسي
:" ماخدمك إلا من سجنك " .
شعر الأبنودي

8 التعليقات:

غير معرف يقول...

حاكم ظالم وشعب جبان

غير معرف يقول...

الحكومه لما تحب تعمل لواحد قضيه مبتدورش انه كويس ولا وحش حتى لو كان شيخ يعملولو قضيه واسال مجرب ولا تسالش نقيب

غير معرف يقول...

شعب يكدب الكدبه ويصدقها

غير معرف يقول...

الحكومه لما تحب تعمل لواحد قضيه مبتدورش انه كويس ولا وحش حتى لو كان شيخ يعملولو قضيه واسال مجرب ولا تسالش نقيب

غير معرف يقول...

حاكم ظالم وشعب جبان

غير معرف يقول...

احنامش هنبس ورانا ربنا يرحم جميع الشهداء ويسكنهم فصيح جناتة لازم نكمل اهداف الثورة ونعلى بمصر

غير معرف يقول...

dima widad

مؤسسه الحرمين يقول...



شركة كشف تسربات المياه بالاحساء
كشف تسربات المياه بالاحساء
شركة عزل اسطح بالاحساء
شركة عزل خزانات المياه بالاحساء
شركه عزل مائى بالاحساء
شركة عزل حرارى بالاحساء
شركة عزل مائي وحراري بالاحساء
شركة مكافحة حشرات بالاحساء
شركة تسليك مجارى بالاحساء

إرسال تعليق